خطايى ، على اكبر
229
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
يوكسكلكى شول مرتبه ده در كه بالاسندن پرتا و اوقى اشمز و خاقانك كچديكى قيولر بولاد خطاييدن دوكلمشدر كه نظيرى روى زمينده كورلمامشدر و ايچروده اولان در بندلرك هربريسنك اوكنده بنيان منبعى قعر زمينده سكه و اصل و بروج رفيعى اوج هواده اسمان هفتمينه مشاكل بر رحصار بنا اولنمشدر و اوج طرفنده ايج سرايك غريب و عجيب قيولرى و دربندلرى وار در و اول در و دربندلرده ستارههاى اسمان عددى رنك برنك فانوسلرا اويخته اولمشدر كه بالالرنده و نصف الليلده جميع وزرا و امرا و دفتردار و اهل قلم صاحب رقم و سائر اهل ديوان اول قيولرك طشره سنده حاضر اولوب خاقان چينك قدومنه منتظر اولورلر كاهى اولور كه خاقان صبح كاذبدن اول ديوانه چقار و اولوقت مأموران ديواندن كيم بولنمز ايسه بعد العزل بند و زندانه دخى مستحق اولور و نقل ايدرلر كه سنه 90 ده بركره خاقان عادتدن مقدم اول صباحده ديوانه چيقوب وزرا و امرا و سائر حضورى لازم اولان زواتدن اوچبيك كشى بولنمغله خاقان امريله جمله سى ابدى عزل اولوب حبس اولندى و خاقان اكثر يا ديوانه طلوع افتابدن اول چقار و بوقدر خلق اولدر و دربندلرده خداوندكار لرينك قدومنه انتظار چكرلر و دربانان و چاوشان همان اظهار قدرت و اشعار جرت ايچوندر و اول ديوانه خاضر اولنلرك هيچ منع و تأديب و تعليم و ترتيبه احتياطلرى يوقدر و اهل چينك خواص و عوامى غايتده اديب و معلم اولوب حرمت و عزت و سائر اداب و رعايتده نظيرلرى يوقدر و چندان هزار خلق سير و شكارخانه لرنده عيش و عشرت بلميوب خاقانك هيبت كامل و سياست شاملى خوفندن هران و زمانده حضورنده اياغ اوزره حاضر بولنوب ذره قدر نطقه زهرهلرى اولمز بوصورتده منع و تأديب دربانان و چاوشانه يرمى قالور و اول در و دربندلر امرا و لشكرىيه متعلق و مخصوصدر انى خلق ما خلق الله تمام سلاح حربله اراسته اولوب كروه كروه و خيل خيل مراتبلرنجه كيروب ارقه ارقيه ويرهرك ايينلرى اوزره يرلو يرنده طوررلر و اول در و دبند كه خاقان چين تختنى اول جانبده ايتمشدر حفظ و حراست ايدرلر و اولجماعتكه نكهبان تخت خاقان و در و دربند و ديوانخانهلر در اون بيك كمسنه در كه دربانلردن و طشره سرايى حفظ و حراست ايدن لشكردن غيرى و اول در و دربندلر كه اطراف و جوانبده واقع اولمشدر جمله سنك حراستنده از پا تا سوالات حرب و ضربه مستغرق اللى بيك نفر تعيين اولنمشدر كه كيجه و كوندزده بر ساعت خدمتلرنده اولمامغه احتمال محالدر و خاقان